Кыргызстандарт

Шанхай кызматташтык уюмуна (ШКУ) мүчө мамлекеттердин стандартташтыруу боюнча улуттук органдарынын жолугушууларынын алкагында жана Техникалык жөнгө салуу жана метрология боюнча федералдык агенттиги менен Кыргыз Республикасынын Экономика жана коммерция министрлигинин ортосундагы 2026–2028-жылдарга стандартташтыруу жана метрология жаатында кызматташуу боюнча өз ара түшүнүшүү жөнүндө меморандумду ишке ашыруу максатында Кыргызстандарттын жетекчилигинин Техникалык жөнгө салуу жана метрология боюнча федералдык агенттигинин жетекчилиги менен эки тараптуу жолугушуусу болуп өттү.

Жолугушуунун жүрүшүндө эки тараптуу кызматташуунун негизги маселелери талкууланды, анын ичинде:

- Кыргызстандарттын метрологиялык лабораторияларын модернизациялоо;

- Кыргызстандарттын метрологиялык лабораторияларынын адистери үчүн окутуу иш-чараларын өткөрүү;

- Улуттук жана эл аралык эталондорго чейин өлчөөлөрдүн байкоо жүргүзүүнүн натыйжалуулугун жогорулатуу;

- Кыргызстандарттын пайдалануусу үчүн Эл аралык электротехникалык комиссиянын стандарттар базасын берүүгө көмөктөшүү жана мүмкүнчүлүктү кароо;

- Кыргыз Республикасында Стандартташтыруу, метрология жана сертификация боюнча мамлекеттер аралык кеңештин 69-жыйынын уюштуруу маселелерин талкуулоо.

Жолугушуунун жыйынтыгында тараптар стандартташтыруу, метрология жана шайкештикти баалоо чөйрөлөрүндө кызматташтыкты мындан ары да чыңдоого кызыкдар экендиктерин ырасташты, ошондой эле биргелешкен демилгелерди жана практикалык иш-чараларды ишке ашырууга даяр экендиктерин билдиришти.