Кыргызстандарт

2026-жылдын 21-сентябрынан 24-сентябрына чейин «Кыргызстандарт» мекемесинин адистери Кытай Эл Республикасынын Синьцзян-Уйгур автономиялык районунун Үрүмчү шаарында өткөн электромобилдерди кубаттоочу станциялардын метрологиясы боюнча COOMETтин окуу-техникалык курсуна катышты.

Окуу учурунда катышуучулар электромобилдерди кубаттоочу инфраструктураны метрологиялык жактан камсыз кылуунун заманбап ыкмалары менен таанышып, кубаттоочу станцияларды сыноо жана текшерүү жаатындагы эл аралык тажрыйбаны үйрөнүштү. Ошондой эле Армения, Азербайжан, Беларусь, Грузия, Казакстан жана Өзбекстан өлкөлөрүнөн келген кесиптештер менен практикалык тажрыйба алмашышты.

Алынган билимдер жана практикалык көндүмдөр Кыргыз Республикасында электромобилдерди кубаттоочу станцияларды метрологиялык жактан камсыздоо боюнча иштерди мындан ары өркүндөтүүгө, эл аралык өнөктөштөр менен кызматташтыкты өнүктүрүүгө жана адистердин кесиптик потенциалын жогорулатууга багытталат.

«Кыргызстандарт» окуу курсун жогорку деңгээлде уюштургандыгы жана кесиптик тажрыйба алмашууга түзүлгөн мүмкүнчүлүк үчүн уюштуруучуларга ыраазычылык билдирет.